+17 °С
Зоръёслэн
Антитеррор
Вань иворъёс
Общество
4 январь 2023, 18:40

Геройёслэн нимъёссы калык пӧлын уло

Вуж Вараш школаын Геройёслэсь борддорзэс усьтӥзы, Россилэн Героезлэн партаез кылдӥз, волейболъя буре ваён ӵошатскон ортчиз.

Геройёслэн нимъёссы калык пӧлын уло
Геройёслэн нимъёссы калык пӧлын уло

Таиз арлэн кыкетӥ нуналаз Янаул ёросысь Вуж Вараш школаын тодэ кыльымон ужрад ортчиз: школалэн коридораз «Стена Героев» стенд кылдӥз. Отчы пыртэмын Афганистанын, Чечняын, Сириын, Украинаын военной операциосы пыриськемъёслэн нимъёссы. Со сяна, школаын табере Россиысь Геройлэн Игорь Насибуллинлэн партаез вань. Школаын ӟеч йылол кылдытыны кенешизы: Геройлэн партаез сьӧрын пукозы дышетсконын, спортын но мукет ужрадъёсын умой тодон-валанзэс, усто  быгатонлыкъёссэс возьматэм пиналъёс.

Куинетӥ толшоре Вуж Варашын Игорь Насибуллинэз буре вайыса, волейболъя турнир радъяськиз. Отын ньыль командаос кужымзэс мертазы: «Ветеранъёс», «Егитъёс», Нанядыысь команда но 113 номеро пожарной частьлэн командаез.Вормисе потӥзы ветеранъёс. Кыкетӥ интыын луизы нанядыос, куинетӥ – егитъёс. Ӵошатсконэ пыриськисьёс Россиысь Геройлэн анаезлэн но атаезлэн киысьтызы медальёс басьтӥзы.

Геройёс улэп, куке соослэн нимъёссы калык пӧлын уло, куке соосты буре ваё, тодазы возё. Вуж варашъёс Геройёссэс-гуртооссэс ноку уз вунэтэ. Соослэн подвигъёссы сярысь пичиос школаысен ик тодыса будозы.

Фото: Администрация Староваряшский сельсовет

Геройёслэн нимъёссы калык пӧлын уло
Геройёслэн нимъёссы калык пӧлын уло
Автор:Миляуша Булатова
Читайте нас: