Вакытлэн куронъёсыныз ӵош вамышъяськом

Та программа улсын Центральная, Южная, Комсомольская, Молодёжная, 50лет Октября, Новая, Набережная урамъёс тупатэмын, МТЗ-82 трактор но прицепной инвентарь (уробо, геры, кун но роторной турнан) басьтэмын, тылпу кысон машиналы но тракторлы гараж ӝутэмын.

Вуоно арын но улысь балтачъёс ППМИ проектэ пыриськыны мылкыд каризы. Гуртын солы сӥзем собраниос радъяськизы, кытын тросэз «Капитальный ремонт ограждения кладбища с. Нижнебалтачево» проект понна куара сётӥзы. Инициативной группа уж план юнматӥз. Гуртын шахматъя но шашкиен шудонъя турниръёс радъяськизы, тазалыксы пумысен ӝожтӥськисьёслы спортивной но шудон программаос дасямын вал. Шай вылэз тазатонлы сӥзем субботнике но гурт калык мыло-кыдо пыриськиз. Шумпотымон, гуртын ортчись ужрадъёсы егитъёс но пырисько.

Вакытлэсь куронъёссэ лыдэ басьтыса, ми азьлане йыгмыт вамышъяськом. Оскиськом, вуоно арлы чаклам ужмес одно ик быдэстом. Пӧлысьтымы кошкем матысьёсмы милям малпанъёсамы котьку уло угось.

Юлия КАЙРАНОВА, инициативной группалэн кивалтӥсез.