-23 °С
Яркыт
Антитеррор
Вань иворъёс
Общество
15 ноябрь , 09:05

Шаермес утисьёслэн радазы – зэмос пиос

Калтасы ёросын Призывниклэсь нуналзэ пусйизы.

Шаермес утисьёслэн радазы – зэмос пиос
Шаермес утисьёслэн радазы – зэмос пиос

Ужрад Вормон парке венокъёс понон бордысен кутскиз. Калтасы ёросысь Ветеранъёслэн кенешенызы кивалтӥсь Д. М. Хузин, Башкортостанысь морской собранилэн Калтасы ёросысь филиалэныз кивалтӥсь Г. Д. Хайдаршин ожгарчиослэн ортчем сюрессы, соослэн секытлыкъёслы сётскисьтэм, кышкасьтэм луэмзы, вормон ваемзы сярысь веразы. Собере призывникъёс ёросысь шаертодонъя но историяя музее вуылӥзы, отын Калтасы ёрослэн историез, тодмо но дано адямиосыз сярысь трос тунсыкозэ тодӥзы.

Ужрадэз спорт ӵошатсконъёс азинтӥзы. Отын пиос усто быгатонлыкъёссэс, кужымзэс возьматӥзы.

Ужрадлэн торжественнойлюкетэз ёросысь Культурая дворецын ортчиз. Отчы Калтасы ёрос администрациен кивалтӥсь З. Т. Габдуллин, Янаул но Калтасы ёросъёсъя военной комиссар М. К. Харисов но мукетъёс пыриськизы. Шаермес утисьёслэн радазы мыныны дасяськись пиослы трос шуныт кылъёс чузъяськизы. Та нуналэ соослы котькин ӟеч вуонозэ сӥзиз. Ужрад шулдыр концертэн йылпумъяськиз.  

Фото: Комитет по молодежной политике и спорту

Автор:Миляуша Булатова
Читайте нас в