-3 °С
Салкым
Антитеррор
Вань иворъёс
Общество
17 куартолэзе 2022, 12:25

Выль Артаулын «Поле чудес» ортчиз

Янаул ёросысь Выль Артаулын «Поле чудес» шудон ортчиз. Отчы Вот.Ошья гуртысь ФАП-ын ужась фельдшер Светлана Фахрисламова но пыриськиз.

Выль Артаулын «Поле чудес» ортчиз
Выль Артаулын «Поле чудес» ортчиз

«Поле чудес» шудонэз радъязы Выль Артаулысь библиотекаын но гуртысь многофункциональной клубын ужасьёс. Со Медсестраослэн калыккуспо нуналзылы сӥземын вал. Соин шудӥсьёслы эмъюрттэт возьматонэн, тазалыко улонэн герӟаськем юанъёслы валэктон утчано луиз.

Шудоэз учкыны, гуртысьёс сяна, Янаул ёрос эмъюртын ужасьёс но вуизы: валтӥсь медсестра, профсоюз огазеяськонэн кивалтӥсь Вера Курбаншуева, эпидемиологлэн юрттӥсез Зинфира Газизова.  

Шудон тунсыко радъяськиз. Отборочной туръёсты ортчыса, финалэ потӥзы Светлана Лекандровна Фахрисламова, Анфиса Гатаулловна Муллаярова, Алия Альбертовна Хазиева. Супериграын вормисе потӥз Вот. Ошьяысь фельдшер С. Л. Фахрисламова.

Котькуд туре пыриськисьёсты но вормисез синпель кузьымъёсын пусйизы. Соослы ӟечкылан кылъёссэс веразы Выль Артаулысь врачебной амбулаториен кивалтӥсь Асхат Батыршин, врачебной амбулаториын ужась Фируса Нурылгаянова. Нош Выль Артаулысь Х. Н. Амиров нимо шор ёзо школаын дышетскись пиналёс крезьгур кузьымъёссэс кузьмазы.  

Медсестралэн калыккуспо нуналэз сярысь

Праздниклэн кылдэмез пумысен тодосчиос гожто, со 1853-тӥ арын Крымской война вакытэ кылдэм шуыса. Соку англичанка Флоренс Найнтингейл милосердияя штаб кылдытэм. 12-тӥ май – Флоренслэн вордскем нуналэз.

Россиын Медсестралэн нуналзэ 1993-тӥ арысен пусйиське. Соку шаерамы Медсестраослэн ассоциацизы кылдэм. Но медсестралэн профессиез ПетрI вакытэ кылдэмын. Со «О назначении монахинь в госпитали» указ улэ гожтӥськем.

Источник:  Новоартаульская Библиотека

 

 

Автор:Миляуша Булатова
Читайте нас: