Калыкъёслэн эшлыко кусыпъёссы мед азинскозы

Конференциез Янаул ёрос администрациен кивалтӥсь Ильшат Вазигатов усьтӥз. Со тросгес калыкез мерлыко уже кыскыны курыса вазиськиз. Нош ӟучъёслэн огазеяськонэнызы кивалтӥсь Александр Бронников огазеяськонлэн анай кылэз, культураез, сям-йылолъёсыз утён ласянь быдэстэм ужъёсыз сярысь вераз. Нош ёрос администрациысь валтӥсь ӧнерчи Марина Соснина бадӟым ужрадъёсты ортчытон понна грантъёс гожтыны курыса вазиськиз.

Пумиськонын ёросысь башкиръёслэн курултайзылэн исполкоменызы но удмуртъёслэн огазеяськонэнызы кивалтӥсьёслы Рафаил Яхинлы но Юрис Саитовлы кыл сётӥськиз. Соос Россиысь но Башкортостанысь калыкъёслэн эшлыко кусыпъёсынызы данъяськыны куризы.