-3 °С
Салкым
Антитеррор
Вань иворъёс
Общество
11 куартолэзе 2022, 11:15

Сыктывкарын «Молодые профессионалы» чемпионатлэн финалаз пыриськисьёсты бырйизы

19-24-тӥ апреле Сыктывкарын «Молодые профессионалы» чемпионатлэн финалаз пыриськисьёсты бырйизы. Отчы чемпионатлэн региональной этапаз вормисьёс пыриськизы. Ӵошатсконэ Татышлы ёросысь Улысь Балтач школаез йылпумъям, та дыре Бирскысь медико-фармацевтической колледжын дышетксись Виктория Гильмиярова но вуылӥз.

Сыктывкарын «Молодые профессионалы» чемпионатлэн финалаз пыриськисьёсты бырйизы
Сыктывкарын «Молодые профессионалы» чемпионатлэн финалаз пыриськисьёсты бырйизы

Отборочной ӵошатсконын нырысетӥ инты басьтэмъёс «Молодые профессионалы» дасэтӥез йӧскалык чемпионатын Башкортостанлэсь данзэ утёзы. Виктория ӵошатсконысь 2-тӥ интыен бертӥз.

Тодады вайытӥськом, Башкортостанын 7-13-тӥ толсуре 2021-тӥ арын WorldSkills Russia усьтэм региональной чемпионат ортчиз. Отчы 1000-лэсь трос егитъёс пыриськизы. Ӵошатсконъёс 106 пӧртэм компетенциосъя радъяськизы. Соос пӧлын ик Виктория Гильмиярова но луиз. Со «Лечебная деятельность» ӧръя тодон-валанзэ, быгатонлыкъёссэ возьматыса, вормисе потӥз.

Сыктывкарысь И. П. Морозов нимо медициная колледжын Виктория 14 регионъёсысь – Москваысь, Великий Новгородысь, Коми, Башкортостан, Татарстан, Саха республикаосысь, Калмыкиысь, Тюмень, Псков, Волгоград, Брянск, Свердловск, Томск улосвылъёсысь но Пермь шаерысь - вуэм 17 конкурсантъёс пӧлын быгатонлыкъёссэ возьматӥз.

- Толсур толэзе региональной этапын вормем бере ик таиз ӵошатсконэ дасяськыны кутски, - вера Виктория. – Мыным юрттӥськизы дышетӥсьёсы Людмила Георгиевна Виноградова, Лиана Фоатовна Садрисламова, Юлия Павловна Зорина, Ирина Владимировна Яхина, Александра Алексеевна Плотникова. Соослы бадӟым тау шуисько.  

Одӥг нунал куспын В. Гильмияровалы куать пӧртэм модульёсъя тодон-валанзэ, быгатонлыкъёссэ возьматӥз. Котькуд модульлы 50 минут дыр висъяськем.

- Ӵошатсконъёс «бешеной» темпын ортчизы. Дасяськыны, малпаськыса улыны дыр ӧй вал. Ваньзэ заданиосты ӝог лэсьтоно луиз, - вера азвесь медальлэн кузёез.

«Молодые профессионалы» дасэтӥез чемпионатлэн финалэз Мордовиын Саранскын 8-10-тӥсентябре ортчоз. Отын Бирскысь медико-фармацевтической колледжлэсь данзэ утёз Викторияен ӵош дышеткись Элен Басырова, уго со зарни медальлы кузё луиз.

Туспуктэм вылын В. Гильмиярова (паллянысен нырысетӥез) толсур толэзе ортчем региональной чемпионатын. 

Фото: Газета "ПОБЕДА"-город Бирск

Автор:Миляуша Булатова
Читайте нас: