Алтауын удмурт писателен пумиськон ортчиз

Отын писательлэн «Шордин» повестез сярысь вераськизы. «Шордин» - Алтауысь одӥгез ульча. Отын ортчиз писательлэн пичи дырыз. Витьтон ар талэсь азьвыл Шордин ульчаысь тямыс пиос - Сергей Гафутдинов, Митя Апкадиров, Сагит Минниахметов, Виталий Апкаликов, Рифкат Бадретдинов,  Ульфат Бадретдинов, Виктор Марданов, Виталий Бадретдинов - «Особый патруль» отряд кылдытӥзы но котыр улосэз утён сярысь сюлмаськизы. Ульфат Шайхутдинович пумиськонын пичи дырыз, эшъёсыз,  автобиграфической очеркез сярысь трос вераз. Ужрадэз чебер кырӟанъёсыныз но фольклор композициосыныз шулдыртӥз «Инвожо» калык фольклор ансамбль.

Пумиськонэ Бурай ёросысь культурая, спортъя но егитъёслэн политиказыя управлениен кивалтӥсь И. З. Харисов, ёрос библиотекаен кивалтӥсь Р. Г. Ахметов, пӧртэм гуртъёсысь библиотекарьёс но гурт калык пыриськизы. Гуртысь библиотекарен М. Гафутдиноваен, культура юртэн кивалтӥсен И. Шарафутдиноваен радъям ужрад туж шуныт но тунсыко пӧрмиз. Та нуналэ куноос писатель, гуртысь улон сярысь трос выльзэ тодӥзы.