Лыдӟиськы удмурт кылын!

Ермекей ёросысь Выль Суллиысь газетмылэн эшез Анастасия Вождаева туннэ  вить экземпляр газетлы гожтӥськиз: тодмоосызлы, ӵыжы-выжыосызлы Выль арлы кузьым, пе, луоз. Таӵе мылкыдын ик акцие пыриськизы Янаул ёросысь Кониговоысь В. А. Гарипов, Улысь Балтач гурт поселенилэн администрациеныз кивалтӥсь Э. Б. Рахимзянов, Янаул, Балтач ёросъёсысь  удмуртъёслэн азьветлӥсьёссы Ю. С. Саитов но Л. Г. Пукрокова, «Ошмес» газетлэн азьвыл редакторез С. Г. Гарифуллин. Акция азинтӥське. Почта ёзэтъёсын квитанциосты 22-тӥ декабрёзь кутозы. Зэм, уськытэм дунын ӵуказе гинэ гожтӥськыны луоз на.