Одӥг книгаын – ёрослэн быдэс историез

Энциклопедия Татышлы ёросысь калыкъёслэсь тупаса улэмзэс,  пӧртэм культураослэсь азинскемзэс яркыт возьматэ. Солэн бамъёсаз  - ёрослэн историез.  

Энциклопедия кык люкетъёслэсь сылэ. Нырысетӥ люкетэз монографической очерк выллем луэ. Отын Татышлы ёрослэн историез но туала вакытэ азинскемез сярысь гожтэмын. Нош кыкетӥ люкетаз гурт хозяйствоосын но предприятиосын, культура юртъёсын но школаосын, эмъюртъёсын но творческой коллективъёсын, ужрадъёсын тодматскыны луэ. Со сяна, татын бадӟым инты висъяське ёросысь тодмо адямиослы. Книгаысь Башкортостанысь удмуртъёслэн «Ошмес» газетсы сярысь но лыдӟыны луэ.      Энциклопедие 1300-лэсь трос статьяос, соос пӧлысь 740-лы матэез биографической луо, 650-лэсь трос туспуктэмъёс пыртэмын. Книга котькуд удысын тыршисьёслы пайдаё луоз, нош нылпиосты со ёросэнызы но отын улӥсь калыкен данъяськыны дышетоз.

Пыр-почгес лыдӟыны быгатоды газетмылэн вуоно номерысьтыз.