«Удмурт Кенеш» огазеяськонлэн куншетэз Башкортостанысь но Пермь шаерысь удмуртъёс доры но вуоз

Со пумысен огазеяськонлэн пресс-секретарез Наталья Михайлова вера: «Марафон улсын, тупатэм радлыкъя, огазеяськонлэн куншетэз ёросысь ёросэ ветлоз но быдэс элькунмес, озьы ик бускель улосъёсты котыртоз, аслаз аспӧртэм ӟыгыртэтаз пыртоз.

Котькуд ёрослэн делегациез огазеяськонлэсь куншетсэ бускель ёросэн гожазы пумиталоз. Бӧрысь ини кыӵе ке но адӟиськымон интыын ужрадъёс, пумиськонъёс ортчытоз. Марафон 14-тӥ куарусёнэ кутскиз».

Огазеяськонлэн куншетэз (флагез) Башкортостанэ но вуоз. 29-тӥ октябре сое Янаул ёросэ Камбарка но Каракулино ёросъёсысь куноос вуттозы. Нош нырысетӥ ноябре куншетэз Татышлы ёросын пумиталозы. Бӧрысь сое Пермь шаерысь Куеда ёросысь удмуртъёс доры келялозы.  

Туспуктэм интернетысь басьтэмын.