Сӥзьыллэн пӧртэм тусо толэзез

Тани кезьыт тӧл писпуосысь ӵуж, горд, вож куаръёсты бергатыса музъем вылэ уськытэ. «Писпуос, вуоно арлы кужым люкаса, гань-гань мед шутэтскозы», - шуэ кадь со. Нош садъёсын, кожалод, кузёяське на гужем. Шонерзэ вераса, татын арлэн вакытъёсыз ог-огзэс воштыны курадӟо. Астраос, ромашкаос, цинияос сяська бурдъёссэс уськыто ни. Нош хризантемаос вӧл-вӧл сяськаясько на. Соос тодо, сӥзьыл кезьытъёслы уз сётске шуыса.