Нылпиослэн гожтэм чуръёссы "Чингыли" газетэ пыризы

Пиналъёслы куинь пӧртэм темаос пӧлысь одӥгзэ бырйыны ӵектэмын вал. Соос вордскем шаерзэс эшъёссылэн син азязы пуктыны тыршизы, тазалыко улонэн эшъяськемзы сярысь ивортӥзы. Берло пиналъёслэн ужъёсынызы «Чингыли» газет (соин вотэс бамъёсамы тодматскыны луоз) дасямы. Пиналъёсын вераськыса шӧдӥмы, соослэн гожъяськыны мылкыдзы быремын ӧвӧл на шуыса. Мылкыдзэс усьтон понна соосты бурдъясь гинэ кулэ. Мастерскойын ужаку анай кылэз утён сярысь но вераськимы. «Ми ваньмы удмурт кылын вераськиськомы. Сое школаын дышетӥськом», - огкылысь сямен ивортӥзы нылпиос. Озьы ке но соос пӧлысь куд-огезлы анай кылынызы гожъяськон секытэн сётӥське.