Шудекысь пиналъёс «Зарницаын» вормисе потӥзы

Отчы ёросысь трос школаос пыриськизы. Командаос нылъёслэсь но пиослэсь сылӥзы. Соос строевой подготовкаын, комбинированной эстафетаын, автомат сэрттонын-люканын, автоматэн ыбылӥськонын, турникын ӝуткаськонын, эмъюрттэт возьматонын, воинской званиосты, шаермылэсь историзэ тодонын кужымзэс эскеризы.

Конкурсын гурт школаос пӧлын нырысетӥ интые потӥзы Шудекысь пиналъёс. Нош ӵуказеяз соос школаязы та выллем ик ужрадэ пыриськизы. Соосты ӟечкыланы гурт поселениенызы кивалтӥсь В. А. Гарипов но вуылӥз.