Ческыт, тодмо, удмурт шӧмо Пельнянь

Котькуд калыкен яратоно сиёнлэн - пельняньлэн - кытысь потэмез сярысь ченгешонъёс уг чусомо. Нош ми, удмуртъёс, асьме кыл выламы сылом, та ческыт, тодмо, кӧтэз тырытӥсь сиён кылдэмезъя удмурт шуыса. Ӟеч сямазы пыремын ни Удмурт Элькунын арлы быдэ солы сӥзем фестиваль ортчытыны. Туэ со Удмуртилэн шоркараз 8-13 тулыспалэ ортчоз. Валтӥсь темаез - удмурт калык сиён. Онлайн амалэн пельнянь-фестлэн ужрадъёсыз кылем арлэн пумаз ик кутскизы ни. Пыриськыны луэ
"Удмуртия в моей тарелке" фотоконкурсэ, "Блюдо моей семьи" видеофлешмобе, "Мультиварка за аватарку" но "Шудо Пельнянь" акциосы. Пельняньфестлэн валтӥсь нуналэз ортчоз 13-тӥ тулыспалэ. Та нуналэ куноос учкыны быгатозы фолк-фестивале пыриськисьёсты, луозы анимационной площадкаос, фотозонаос, пӧртэм презентациос, ӵошатскыса пельнянь сиён, "Калашников спорт"-эн радъям "Пельмен бызьылон", ыль пельнянь вузан, арлы тырмымон пельняньлы розыгрыш. Нош тужгес усто пельнянь кутӥсьёс «Баттл лепщиков»-ын ӵошатскозы. Ижкарысь ресторанъёс но кафеос удмурт крезьгур улсын удмурт кухняен тодматозы.

Нош кинлэн Ижкаре мыныны луонлыкез ӧвӧл? Пельнянь пӧраны луэ дорын но: сӥлен-а, кубисталэсь-а, кузятэмлэсь-а, созэ асьтэос учкоды ни. Пӧзьтыса ӝӧк вылэ пуктӥды ке, эн вунэтэ ог-огдылы "Ческыт мед кошкоз!" шуыны.

Туспуктэм: inoeda.com