Вуж туспуктэмъёс азьло дырез берыкто

Фаина апай (тазьы нимыз вылэм та кышномуртлэн) вордскем гуртысьтым ик, Вукогуртысь. Нош анаеным, Таслима эшеныз, соос ӵош Басъянэ (официальной нимыз Басьяновский) торф поттонтӥе ужаны ветлӥллям. Со тодаз ваиз отын ужамзэс, шутэтскон нуналъёсазы ӵошатскыса кадь чильтэр чильпамзэс, гуртэ бертэмзэс. Фаина нимез поттылэмзэ анаелэсь трос пол кылылэм вал, но малпамтэ шорысь со эшеныз пумиськом но вераськыса пуком шуыса, йырам но ӧй вал. Шедьтӥз Фаина апай ӵош пуксем туспуктэмъёссэс но. Вуж фотоосын - со вакыт модая дӥсяськем егит нылъёс. Пумиськеммылы мӧйы апай ачиз но шумпотӥз кадь, нош мон улонысь вазь кошкем анайме адӟем кадь потӥ, со сяна, солэн улонысьтыз одӥгаз люкетаз вуылӥ. Аслым эш но шедьтӥ кадь. Мон кылме сётӥ, та гуртэ вуи ке, одно ик доразы пырало шуыса.