Башкириысь Хайбулла ёросын ульчае пенсионерлэн азбарысьтыз вандэм кызэз пуктӥзы

Писпу будэмъяз электропроводъёсы, телефон линие, газопроводэ йӧтыны кутскем. Кӧня ке ар талэсь азьло ини энергетикъёс писпуэз вандыны косӥзы. Нош та ужез быдэстыны мылкыд карисьёс ӧз луэ. !980-тӥ арын пуктэм коркалэн азбараз куинь кыз будэ вылэм. Кыксэ люкето но пеймыт каро шуыса, вазьгес вандӥллям ни. "Мон ёрослэн тӧроезлы вазиськи, отысь Бурибай ГОК-е лэзизы. Вуизы техникаен, специалистъёсын, вандӥзы но нуизы, - шуиз пенсионер.
Вуоно арын Выль арлы ёросысь валтӥсь кызлы мыноз эшшо одӥг азбарын будӥсь писпу. Со будэ Вазям гуртын но озьы ик электропроводъёслы люкетэ.