Калыкъёслэн ассамблеязылэн Кенешезлэн нырысетӥ заседаниез ортчиз

Отын огазеяськонлэн таяз арын быдэстэм ужъёсызлы йылпумъянъёс лэсьтӥзы, вуоно арлы ужпумъёс чаклазы. Заседаниез Кенешен кивалтӥсь Зугура Рахматуллина нуиз. Тодады вайытӥськом, БР-ысь Калыкъёслэн ассамблеязылэн Кенешаз 30-тӥ октябре ортчем ньылетӥ съездын выль ёзчиос быръемын вал шуыса. Соос пӧлын луиз удмуртъёслэн НКЦ-енызы кивалтӥсь С. Г. Гарифуллин но. Салим Гарифулловичез онлайн амалэн ортчем съездын Россиысь Калыкъёслэн ассамблеязылэн данъян грамотаеныз пусйизы. Куинетӥ декабре со кузёез кие вуиз.