Бадӟым Гондырысь удмуртъёс дорын

Та нуналэ сюресмы удалтӥз. Бускель ёросысь эшъёсмы доры вазь ӵукна ик вуим. Татын милемыз "Горд кужим" СПК-ен кивалтӥсь, удмурт огазеяськонлэн тӧроез О. Р. Фатталов пумитаз. Соин вераськыса тодӥмы, туэ "Горд кужим" СПК-лэн кылдэмез дырысен 90 ар тырмем шуыса. Нош удмуртъёслэн огазеяськонзылы 30 ар луэм. Газетмылэн матысь номеръёсаз та котырес лыдпусъёслы сӥзем материалъёс дасяломы. Со сяна, культура юртлэсь, шаертодонъя музейлэсь ужзэ югдытомы. Шумпотоно, соосты Куеда ёросысь удмуртъёс но лыдӟозы шуыса. Малы ке шуоно "Ошмес" арнялы быдэ соос доры но вуэ.

Туспуктэм вылын: О. Р. Фатталов (паллянысен нырысетӥез) хозяйствояз ужасьёсын кенеше.