Татышлы ёросысь гурт удысын тыршисьёслэн сюлмаськемзы Башкортостанысь Правительстволэн нырысетӥ степенё дипломеныз пусъемын

Татышлы ёросысь гурт удысын тыршисьёслэн сюлмаськемзы Башкортостанысь Правительстволэн нырысетӥ степенё дипломеныз пусъемын. Со сяна, та удысын бадӟым вормон басьтэм пудо утисьёс, ю-нянь будэтӥсьёс но мукетъёс пӧртэм сямен данъямын. «Агро-Танып» СПК-ен кивалтӥсь Сергей Хановлы, кылсярысь, «Башкортостан Республикаысь гурт удысысь сӥё-дано ужась» ним сётэмын. Та хозяйствоысь ик техник-осеменаторлэсь Галина Фархутдиновалэсь ужзэ БР-ысь Гурт хозяйствоя министерстволэн Данъян грамотаеныз дунъязы. Нош скал кыскись Анюта Самигулова «Лучший по профессии» номинациын дипломен но коньдон премиен пусъемын. Башкортостанысь Гурт хозяйствоя министерстволэсь Данъян грамотазэ басьтэмъёс пӧлын луизы на «Дэмен» СПК-ысь тракторист Альберт Суфияров, «Рассвет» СПК-ысь скотник Эдуард Фархутдинов.

Туспуктэм:https://vk.com/lifetatyshly?z=photo-146798139_457243505%2Fwall-146798139_2663