Сӥзьыл каникулъёссэс тунсыко ортчытӥзы

Нош Калтасы ёросысь Чиндэр клубын гуртысьтызы пиналъёсын «Дорога, транспорт, пешеход и пассажир» конкурс ортчытӥзы. Нылпиос, кышкыт висёнлэсь утиськон вылысь, отчы маскаосын вуизы.

Шудонэ кык командаос пыриськизы. Нырысь соослы пӧртэм юанъёслы валэктонъёс сётоно луиз. Татын нылпиослэн сюрес вылын ветлон правилоосты ӟеч тодэмзы шӧдӥськиз. Туж тунсыко ортчизы «Разбился дорожный знак – нам собрать его не сложно», «Найди пару», «Тоннель», «Дорога, транспорт, пешеход и пассажир» конкурсъёс. Пиналъёс сюресэн герӟаськем мадиськонъёсты но капчиен тодылӥзы. Берло соослы пӧртэм транспортъёсты -троллейбусэз, каретаез, вертолётэз - кылъёстэк возьматоно луиз.

Конкурсын нылпиос ог-огенызы зол ӵошатскизы. Соин, лэся, шудонын лыдпусъёс огвыллем луизы: вормиз эшъяськон.