Вылысь Татышлыын выль шутэтскон инты усьтӥськиз

Татышлы ёросысь Вылысь Татышлыын «Юбилейный» сквер усьтӥськиз. Шутэтскон инты «Жильё и городская среда» нацпроект улсын лэсьтэмын.

Скверез усьтон ужрадэ БР-лэн Тӧроезлэн администрациеныз кивалтӥсьлэн воштӥсез Искандер Ахметвалеев но Татышлы ёрос администрациен кивалтӥсь Фанур Шайхисламов пыриськизы. Соос объектэз ӝутон бордын тыршисьёслэн ужзылы вылӥ дунъет сётӥзы. Фанур Рафисович «МегаБит» ООО-лэсь директорзэ Камиль Ибатуллинэз ёрос администрацилэн Тау карон гожтэтэныз пусйиз.

Фото: открытый источник.