Ож мышкын тыршем нылкышноослы сӥзем памятник усьтӥськиз

Выль Артаулэ ож мышкын тыршем нылкышноослы сӥзьыса памятник усьтыны кемалась малпало ни вылэм. Туэ тулыс башкиръёслэн курултайзылэн ёрос исполкоменыз кивалтӥсь Рафаил Яхин скульпторлы Рафаил Зиннуровлы малпанзэ быдэстон понна юрттэт курыса вазиськем. Ӝоген гурт поселенилэн администрациез борды нимысьтыз инициативной группа кылдытӥллям, гурт калыксылы коньдонэн юрттыны курыса вазиськиллям. Ужбергатӥсьёс, предприятиосын кивалтӥсьёс но бадӟым ужлэсь палэнэ кылиллямтэ. Сюлмаськемзы юнме луымтэ - памятниксэс ньыль толэзь куспын лэсьтӥллям.

Туспуктэм: Рустам Сангов.