Сӥзьыллэн яркыт буёлъёсыз

Та вакыт пӧртэм яркыт буёлъёслы узыр. Горд тылын «гомась» палэзьпуос, зарнивуаськем кызьпуос бордазы отьыса кадь сыло. Беризь, тыпы дӥськутсэс куштӥллям ни: усем куаръёс пыд улын ӵаштыр! вазё.

Бурай ёросысь Мамады гуртысь клубын «Яркие краски осени» выставка радъяськиз. Отчы школаын дышетскисьёс сӥзьыллы сӥзем суредъёссэс ваизы. Пиналъёслэн ужъёссы яркытэсь, тунсыкоесь пӧрмиллям.