Шедьы, чорыг, бадӟымез но пичиез

Соин одӥгаз шулдыр нуналэ чорыганы яратӥсьёс понна ми, культура юртын ужасьёс, конкурс ортчытыны малпамы. Улысь Балтачын чорыгасьёс трос угось.

Гуртмы вӧзысь ӵыпет дуре пичиосын ӵош бадӟымъёс но вуизы. Бускель гуртъёсын улӥсьёс но конкурсэ пыриськыгны мылкыд каризы. Нылъёс пӧлын но чорыганы яратӥсьёс вань вылэм. Пичиос пӧлын вормисе потӥз Ева Гильмаутдинова. Вормисьёс пӧлын чорыг тросгес шедиз Арсений Галямшинлы. Конкурсын тужгес пичиез чорыгась нырысетӥ классын дышетскись Иван Галиханов луиз. Со куинетӥ интыез утӥз. Вормисьёсты дипломъёсын но пичи кузьымъёсын пусйимы.

Вераны кулэ, нырысьсэ таӵе конкурс кылем арын радъямы. Туэ но конкурсмы удалтӥз, котькинлы задор мылкыд кузьмаз. Чорыгасьёс ӵыпет дурысь жуг-жаг октыны но дыр шедьтӥзы. Конкурс ӵошен уха сиёнэн йылпумъяськиз. Тыл вылын пӧзьтэм чорыг лым туж ческыт кошкиз.