Тӧдь гурезь вӧзысь, тыос дурысь удмурт гуртын

Балтач ёросын куинь удмурт гуртъёс вань: Асавка, Кизганбаш но Шавьяды. Кылем арняын уж сюресмы Кизганбаше вуттӥз. Бурай но Мишкино ёросъёслэн границазы куспысь гурт ёрос центрлэсь – Вуж Балтачлэсь – 35 иськеме пуксемын.

Кизганбаш вӧзысь Тӧдь гурезь улысь трос ошмесъёс пото. Соос огазеяськыса, Кизган шурез кылдыто. Со шур дуре Кизганбаш гурт интыяськемын. Татын куать урам лыдъяське.

- Гуртмес Кӧльыгурт но шуо. Кизганка – кӧльыё шур. Азьло та шурысь кӧльы бичалозы вылэм, - арлыдоослэсь верамъёссэс тодаз вайыса вера Кизганбашысь клубен кивалтӥсь Валентина Багаутдинова. – Калыкын гуртмес Кӧйгурт но шуо.

Кизганбашын кык ӵыпетсы вань. Гурт котырын тыос - Упкан, Барысь, Куалабер, Исламкуль, Каримнюр, Моховой, Шулдыр - трос. Гуртлэсь кыдёкегес ке кошкид, Страшное ты дуре, пе, вуод.

(Быдэсак материалэз газетмылэн 38-тӥ номерысьтыз лыдӟоды).

Туспуктэмъёсыз Алексей Самирзяновлэн.