Нылкышноосты удмурт калык дӥськутъёсын шумпоттэ

Нош Пермь шаерысь Чернушкаысь колледжын та ласянь тодон-валан басьтэмез бере, со семьязэ, тодмооссэ дӥсятыны кутскиз. «Вурисько, муртъёслэн кадь медаз луы шуыса», - вера Регина. Табере Татышлы ёросысь удмурт нылкышноослы калык дӥськутсэс вурон борды но кутскиз. Регина шуэ: «Нырысетӥ удмурт калык дэремме ӵужайлы вури. Со понна трос пол вуж дэремзэ учконо-ӵошатоно луиз». Туннэ нуналэ солэн таӵе дӥсьёсыз даслэсь ортчо ни. Нош алигес удмурт калык дэремен газетмылэсь корреспондентсэ Анна Байдуллинаез шумпоттӥз. «Дэремелы но айшетэлы материал ачим бырйи бере, аслым тупась тусъёс кадь потэ. Нош вурытыны одно ик Региналы сётэме потӥз. Малы ке шуоно кык дэрем вуриз ни со мыным, кыкез ик туж кельше но аслым тупа. Удмурт дэрем борды чеберъян лентаос, чильтэръёсты но быгатыса вурыны кулэ. Регина - туж кельышлы удмурт дӥськут вурись, туала шӧмъем. Али со созытэк удмурт дэрем вуре ни ке но, мынам сӧзы понэме потӥз. Асьме пал луэмез мед адӟиськоз шуи», - шуэ со дэремез пумысен.