-9 °С
Салкым
Вормонлы - 80 ар
Вань иворъёс
Общество
12 августэ 2020, 14:15

Сӥлен тырмытэм кабачки

Пӧсьтолэзе "Мынам яратоно сиёнэ" акция ялӥмы вал. Туннэ яратоно сиёнэзлэн рецептэныз тодматэ Калтасы ёросысь Бадӟым Качакысь Венера Ильбаева. #МынамЯратоноСиёнэ

Гужемез туж возьмасько, малы ке шуоно соку мынам яратоно кабачкиосы вуо. Мыным соосты мясорубка пыр поттэм сӥлен духовкаын пыжыны кельше. Со рецептэн тӥледын но люкиськыны малпай. Озьыен, кулэ луоз кык пинал кабачки, ӝыны килограмм мясорубка пыр поттэм сӥль, сугон, картофка, сылал, пӧсьтурын. Нырысь ик кабачкилэсь вылзэ басьтӥсько (пиналэзлэсь но), кык сантиметр ӝуждагес карыса вандылӥсько, шорысьтыз кидыссэ утялтӥсько. Озьыен, кабачкиосмы дась. Табере сӥлез сугонэн, вуштон пыр поттэм картофкаен, сылалэн но пӧсьтурынэн сурано. Та суретэн кабачкимес тырмытъяськом но ӟырдатэм духовкае понӥськом, дась луэмзэ зубочисткаен эскериськом. Ческыт мед кошкоз!
Читайте нас: