Уфаысь тёплое озероын спасательёс куинь адямиез кулонлэсь утизы

Гражданской защитая город управленилэн пресс-службаезлэн ивортэмезъя, вуысь поттэмын вал 39 аресъем кудӟем кышномурт. Трос юэм нылкышно вуэ усем но ярдур вӧзын ик выйыны кутскем. Вуысь потэмез бере уфимка улэп кылемезлы туж шумпотэм.

Кыкетӥ учыр 17 аресъем нылашен луэм. Со вуын уяку, вӧзысьтыз кык пияшъёс ог!огзылэн пельпум вылысьтыз вуэ тэтчаллям. Одӥгез вуэ зымыкуз янгышен пыдыныз вуысь ныллэн йыраз йӧтэм. Егит ныл йырсаззе ыштэм но выйыны кутскем. Спасательёс сое дыраз поттӥллям.

14 аресъем пияш, эшъёсыныз надувной матрацын уякуз, со вылысь ву пушкы зымылэм. Шӧдтэк шорысь со ву пушкы кошкыны кутскем. Спасательёс со доры но ӝог вуиллям.

Гужем ӵоже Уфаысь Поисково-спасательной отряд 101 адямиез вуысь мозмытэм, со пӧлын - 42 нылпи.

Туспуктэм: Ксения Калинина.