Пӧйшуръёслэн тунсыко дуннеязы

Нылпиосты визьноданын валтӥсь инты басьто библиотекаосын ортчись ужрадъёс. Соос пӧртэм ӧръёслы сӥземын луо.

Янаул ёросысь Максим гуртысь модельной библиотекаын но пиналъёсты арнялы быдэ сямен тунсыко ужрадъёс витё. «Загадочный язык животных» ужрадэ но нылпиос шумпотыса вуизы.

Отын соос пӧйшуръёслэн яркыт, тунсыко дуннеенызы тодматскизы: викториналэн юанъёсызлы пыр-поч валэктонъёс сётӥзы, дорысьтызы пудо-животъёссы сярысь веразы, пӧйшуръёслы сӥзем книгаосын, журналъёсын тодматскизы. Е. Чарушинлэн, Н. Сладковлэн, К. Ушинскийлэн веросъёссы нылпиослы инкуазез гажан мылкыд пыӵатӥзы.

Психологъёслэн верамъёссыя, пудо-животъёссы луэм нылпиос мукетъёсын капчиен огкыл шедьто, соослэн эшъёссы но трос луо. Ньыль пыдо эшез пиналэз сак луыны, мукетъёсты валаны но гажаны дышетэ.

Фото: https://ok.ru/profile/583934883377/album/812931063089/860694007089