Нюлэскы йыромон: губияны яратӥсь пиосмуртэз спасательёсын утчано луиз

Башкириын губиослэн но губиясьёслэн вакытсы вуиз. Нырысетӥ йыромемъёс но луизы ни. Чрезвычайной ситуациосъя республика госкомитетэ нырысетӥ нюлэскы йыромем адями сярысь ивор 1-тӥ гудырикошконэ вуиз.

Салават ёросысь Калмакларово гуртын улӥсь вӧзысьтызы нюлэскы губияны мынэм, кӧня ке улыса, соин герӟаськыны луымтэ ни. Губиясь пиосмурт ас кожаз нюлэскысь кудпала потыны валамтэ ни.

Юрттэт курыса, экстренной службаосы жингыртэм ышем адямилэн кузпалыз. Пеймыт ке но вылэм ни, йыромем губиясез ӝог шедьтӥллям.

Нюлэскы асьтэ коже мынӥськоды ке:

— нырысь ик матысьёстылы кытчы мынэмдэс но ку бертыны медэмдэс вералэ;

— тодмотэм интыосы мыныны эн тырше;

— телефондылэн зарядкаез мед луоз, сьӧрады пурт, компас, спичкаос, фонарик, шулан кутэлэ;

— нюлэскы кемалы ке мыныны дасяськиды, сиён-юон, кулэ эмъмъёстэс но эн вунэтэ;

— асьтэ тазалыктэс но луонлыкъёстэс учкыса потэ;

— машинаен ке мыныны ӧдъяськоды, нырысь сюреслэсь кыӵезэ тодэ.

Губиянды шумпотон мед ваёз, шимес югдуре шедёно медаз луы.

Читайте нас:

Об использовании персональных данных

Регистрационный номер: Свидетельство ПИ № ТУ02-01536 от 6 июня 2016г. Главный редактор: Нигаматуллина Оля Борисовна

Газета "Ошмес" - общественно-политическая, социальная, культурно-просветительская газета удмуртов Республики Башкортостан.

Телефон

Телефон+7 (34778) 2-11-89, 2-18-71

Электронная почта

[email protected]

Адрес

452830, Республика Башкортостан, Татышлинский район, с. Верхние Татышлы, ул. Ленина, д. 91