Ми - шудо журналистъёс!

Газет-журналъёс башкир, бигер, ӟуч, пор, чуваш но удмурт кылъёсын пото. Пӧлазы тужгес егитэн лыдъяське "Ошмес" газетмы. Озьы ке но со "бадӟым агайёсыз" сямен ик азьпала вамыштыны тырше. Шумпотыса верано, газетмы туэ нырысетӥ паларын кык проектэныз конкурсын вормисьёс пӧлын луиз ни. Соос пӧлысь одӥгеныз кунгож сьӧрысь коньдон басьтыны быгатӥмы, мукетыныз - Москваысь. РФ-ысь Печатья но массовой коммуникациосъя федерал агентстволэн грантэз тазалыкез утёнлы сӥзем проектмы понна сётӥськиз. Табере ар ӵоже газетмылэн бамъёсаз калыкмылэн спортэн эшъяськемез, тазалыксэ кыдатэмез сярысь гожъяломы. Нош республикаысьтымы журналистъёс сярысь ке верано, Башкортостанысь Журналистъёслэн союзэнызы кивалтӥсь Артур Давлетбаков куке но шуиз: "Башкортостанысь журналистъёс - шудо журналистъёс. Соослэн вань асьсэлэн праздниксы, асьсэлэн премизы но дано нимъёссы". Со сяна, вань на оскымон лыдӟисьёссы но. Озьыен, ми - шудо журналистъёс! Тазалык тӥледлы, лыдӟисьёсмы! Эшъяське газетэн! Гажалэ анай кылдэс!

Справка. Революционные события начала века активизировали национальное движение в России. После первого Всероссийского мусульманского съезда башкирские делегаты вернулись на родину с убеждением в необходимости созыва своего национального съезда. Для консолидации башкирского национального движения было решено издавать свою собственную газету. 14 июня 1917 года вышел первый номер первой башкирской газеты — «Башкорт иттифаки бюросынын мохбире» («Известия башкирского областного бюро»). Редактором газеты был назначен Сагит Мрясов. Выход газеты стал началом развития собственного печатного слова, нового этапа в истории башкирского народа. Указом президента республики 14 июня был объявлен Днем работников печати и информации Республики Башкортостан. В настоящее время в рядах Союза журналистов республики насчитывается более 1500 журналистов.

Туспуктэмез Алексей Самирзяновлэн.