Уж сюресмы Калмияре вуттӥз

Соос ёросысь одӥгезлэн кужмо хозяйстволэн - "Агро-Танып" СПК-лэн (кивалтӥсез С. Т. Ханов) - уженыз тодматскизы. Туэ таныпъёс бусы ужъёссэс, котьку сямен, ӝог дыр куспын йылпумъязы. Соос котькуд удысын - скал кысконын но, пудо куайытонын но, ю-нянь будэтонын но - ӟеч лыдпусъёс возьмато.

Корреспондентъёслэн ужзы Калмияр гурт поселенилэн администрацияз азинтӥськиз. Татын ошмесчиосты гурт поселенилэн администрациеныз кивалтӥсь Ф. К.Иванов пумитаз. Та нуналэ со гуртсы, калыксы сярысь трос тунсыкозэ мадиз. Кыӵе ужпумъёс сюлмаськыто гурт поселенилэн администрациеныз кивалтӥсез? Со сярысь тододы газетмылэсь вуоно номеръёссэ лыдӟыса.

Туспуктэм вылын: "Агро-Танып" СПК-ысь механизаторъёс Алексей КОСТИН (паллянысез) но Загит ХУСАИНОВ.