Гужемлэн нырысетӥ нуналэз - Нылпиосты утён нунал

Нырысетӥ инвожо. Гужемлэн нырысетӥ нуналэз. Арлэн та шулдыр вакытаз аръёс ӵоже ни шаерамы Нылпиосты утён нуналэз пусъё.
Россиын нылпиен семьяосты, анайёсты пӧртэм сямен данъяны тыршо. Кылсярысь, соос пӧлысь одӥгез бадӟымез юрттэт луэ анаймурт капитал. Сое нырысьсэ 2007-тӥ арын сётӥзы. Сое шудо анай-атайёс кыкетӥ но со бӧрсьы вордӥськем пиналъёссы понна басьто. Анаймурт капиталэз улон интыез тупатон, пиналъёсты дышетон, инвалид-нылпиосты эмъян понна кутыны луэ. Нош 2017-тӥ арын Россия Федерацилэн Президентэз Владимир Путин «Об объявлении в Российской Федерации Десятилетия детства» указ улэ гожтӥськиз. Со 2027-тӥ арозь ужалоз но трос анайёслэн, нылпиослэн синъёсазы шумпотон тылгизьы ӝуатоз на. Вераны кулэ, президент берло аръёсы трос та выллем ужкагазъёс улэ гожтӥськиз. Соос пӧлысь берлоосыз коронавирусэн сэрен кылдытэмын. Ужкагазъёс возьмато: шаермы, кивалтэтмы тужгес секыт вакытэ но нырысь ик нылпиосмы – асьмелэн вуономы - сярысь малпаське.

Туспуктэм вылын: Татышлы ёросысь Улысь Балтач нылпи садысь пиналъёс.