Омыр ке чылкыт, тазалык но юн

Милям бакча берамы ик посадка вал. Кыӵе шулдыр вал отын! Уӵыослэн чирдэмзы дорамы ик кылӥське. Эшъёсынымы отчы губияны, узыяны ветлылӥм. Кинъёс ке посадкаысь турынзэ турназы. Ми будэмъя посадкамы но будӥз, пересьмиз. Туннэ солэн пушказ пырид ке, жуг-жагез но трос. Сыӵе интыысь губи бичам уг поты ни. Гуртоосы тросэз та шулдыр интыез тазатон сярысь малпаськылӥзы, дыр. Озьы ке но ужез радъясь ӧз сюры.
Алигес, куспамы вераськыса, посадкамес тазатыны потӥм. Нылкышноос бичам жуг-жагез мешокъёсы тыризы, нош гуртысь пиосмуртъёс сое мотоблокен нуллӥзы. Погырам писпуосты ӧм куялэ. Соосты пастух ветлон интые нуллӥм. Кырын чай быректытыны туж умой луоз. Кинъёс та ӟеч ужлэсь палэнэ ӧз кыле, соослы бадӟым тау шуиськом. Улон-вылон интыослэн чеберлыксылы сӥзем арын субботникъёс таин гинэ уз быре. Улон интымес, омырез, инкуазез асьмеос ке ӧм уте, сое нокин уз утьы.
Виктория
КИРЬЯНОВА.
Балтач ёрос.