+6 °С
Яркыт
Антитеррор
Вань иворъёс
Общество
14 апрель 2020, 10:50

Бадӟым сюресэ – узыр тодон-валанэн

Бадӟым классъёсын дышетскись нылпиосты улоназы удыс быръён тужгес сюлмаськытэ.

. Калтасы ёросысь Бадӟым Качакысь 9-тӥ классын дышетскись Анна Каматдиноваен (туспуктэм вылын ) Дарина Мухаметгалиева но со пумысен ӵем малпасько. «Бадӟым улон сюресэ вамыштон понна, ӟеч тодон-валан кулэ», - шуо соос. Соин нылъёс умой оценкаос гинэ басьтылыны, ватсаса тодон-валан люканы тыршо.
Кургакын улӥсь Аннаез школаын, гуртазы ортчись ужрадъёсысь котьку адӟыны луэ. Выль тодон-валан борды кыстӥськись нылаш предметъёсъя олимпиадаосы но вуылэ. Солэн малпанэз – азьпалан пиналъёсын ужанэн герӟаськем ӧнер быръён.
Дарина но пӧртэм ужрадъёсы, конкурсъёсы пыриське, олимпиадаосын школаезлэсь данзэ быгатыса уте. Туэ толшор толэзе Даринаен Анна Уфаын ортчем удмурт кылъя республика олимпиадае вуылӥзы. Нош тулыспал толэзь пумын соос удмурт пиналъёс понна Ижевскын радъяськем «Этноментальность удмуртской молодёжи в меняющемся мире. Встреча с аутентичными коллективами» научно-практической конференцие пыриськизы. «Конференция трос выльзэ, пайдаёзэ тодыны, выль эшъёс шедьтыны юрттӥз», - вера Анна.
Ваньмон дырзэс нылъёс яратоно ужъёссылы сӥзё. Дарина вуриськыны яратэ. «Азьло спортэн но эшъяськисько вал, волейболэн шудыны кельше. Но али огъя кун экзаменъёсы дасяськисько, кружокъёсы ветлыны дыр уг тырмы», - шуэ Д. Мухаметгалиева. Анналы суредаськыны, пе, туж кельше.
Читайте нас: