Егит ужбергатӥсь юртаос лэсьтэ

Студент дыръяз ик со интернет-магазин возем ни. Дышетсконзэ йылпумъяса, одӥг арскын аслыз выль уж усьтэм - анаезлэн гаражаз юртаослы каркас лэсьтыны кутскем, чехолъёссэ соин вырись ӧнерчиослэсь басьтылэм.

«Малы одно ик юрта? Ёрос администрациос праздникъёсы соосты туж ӵемысь отысь-татысь утчано луо . Юрта но вужме, сое выльдоно. Соин мон та уж борды кутскыны малпай. Та удысъя рынок буш вал ай соку, вожвылъяськон чик ӧз луы», — валэктэ Азамат.

Нырысетӥ заказъёс бере ассортиментэз паськытаз. Али солэн фирмаяз шатёръёс, ярангаос лэсьто ни. Коллективаз куать ужасез: сварщик, кортэз вандылӥсь, вуриськись, менеджер, дизайнер, бухгалтер.

Азамат шуэ: "Мылкыдыд ке вань таӵе ужлы, сое азинтоно, нырысь секыт ке но. Ужбергатон - со эрик, ас дырыдъя ужаськод, ачид гинэ ас вакытэныд кутӥськиськод".

Ёрос администрация ужзэ азинтон понна 1,5 млн манет висъяз. Азамат со уксёлы станокъёс но грузовик басьтӥз. Со туж бадӟым юрттэт луиз ужбергатӥсьлы.

«Секытлыкъёс шоры учкытэк, ужтэк ум пукиське, ум ӝожтӥськиське. Заказъёс вань, ужаськом. Туж трос ӧвӧл ке но, улыны тырмыт», — пусйиз предприниматель.