Ӟечезлы оскизы, выль улон юртэ выжизы

- Документъёсты олокӧня пол кутскыса люкано луиз, - вера «Урожай» хозяйствоын кунян утисьын тыршись Талмис Рафиевич. – Собере дас ар возьмам, осконмес ӧм ыштэ.
Кузпалъёслэн али улоно юртсы юн, шулдыр, югыт, висъетъёслы люкылэмын. Лениза Хайбрахмановна но Талмис Рафиевич вить пиослэн но кык нылъёслэн анаен атайзы луо. Бадӟымез, вуз карон юртын тыршись Рудик пизы, кузпалъяськемын ни. Со но Алина кузпалыныз татын ик улэ. Радик пизы атаеныз ӵош гурт хозяйствоязы кунян уте. Нош Роман, Родион, Диана но Данил школаын тодон-валан люкало, тазалыко улонэн эшъясько. «Родионэн Диана лымы усем бере ик куас базае ветлыны кутско. Соос толалтэ куасъёслэсь уг ик люкиськыло. Ӵошатсконъёсы мыло-кыдо пырисько, трос дыръя нырысетӥ интыен бертыло. Бурайын соослы вуисьёс ӧвӧл, - вера Талмис Рафиевич. – Дышетскон ёзэт соослы куасъёс, ботинкаос, бодыос кузьмаз». Родионэн Диана дышетсконзэс но «ньыльёсын» но «витьёсын» гинэ йылпумъязы. «Дарьямы туэ нылпи садэ вамыштоз», - Радик агаезлэн ал вылаз пукись нылыз шоры учкыса вера Лениза апай.
Раяновъёс гуртын трос пудо вордыса но бакча утьыса улӥзы. Бурае улыны выжемзы бере но соос та ужъёссылэсь ӧз палэнске. «Ӵошен пудоосты утиськом, бакча ужъёсты быдэсъяськом, - вера 2008-тӥ арын «Анаймурт дан» медален пусъем Лениза Хайбрахмановна. – Гужем гуртэ но бертылом. Танып дуре пыласькыны ветлом».
Вордӥськем инты котькинлы дуно но матын угось. Озьы ке но Раяновъёслэн семьязы выль улон юртэ выжемзылы шумпотэ но кунмылы тау карон кылъёссэ вера.

(Материал 2018-тӥ арысь 28-тӥ инвожое потэмын).