Кортъёсты «улӟытӥсь» киос

Янаул ёросысь Конигово гуртын улӥсь Руслан Васиуллин Янаулысь поликлиникалэн стоматологияя ёзэтаз пинь эмъясьын тырше ке но, ваньмон дыръяз лэсьтӥськон ужъёс бордын вырыны яратэ. Урамысь колонкаез но со выльдон сярысь сюлмаськиз. «Интернетысь адӟи, кызьы вуж самоварлэсь чебер колонка ужаллям. Ки уламы самовармы ӧз ке но лу, ми сое флягалэсь тупатӥм, - вера Руслан. – Женя пӧрасе котырам бергаз, нош пуктыны бускельёс юрттӥзы». Егит кузпал но атай та быдэстэм уженыз гинэ буйгатскымтэ, сад-бакчаязы кортлэсь шутэтскон беседка но лэсьтэм. Со сяна, Русланлэсь пу пильылон станок тупатэмез сярысь но тодӥмы на. Озьыен, со пиньёсты гинэ ӧвӧл, кортъёсты но «эмъя», соослы кыкетӥ улон кузьма.

(Та материал газетлэн 2017-тӥ арысь 34-тӥ номераз печатламын).