«Тани со – зэмос шуд»

Башкортостанын улӥсьёслэн лыдзы арысь аре кулэсме. Республикаысь тазалыкез утёнъя министрлэн Максим Забелинлэн кылъёсызъя, со, нырысь ик, нылпиослэн ӧжыт вордскеменызы герӟаськемын.

Шумпотоно, куке тодмоосмылэн вотэсбамъёсысьтызы пичильтыкъёсын туспуктэмъёсты адӟиськом. Янаул ёросысь Максим школаысь дышетӥсь, Вылысь Барабановкаын улӥсь Станислав Набиуллинлэн но внукъёсыныз туспуктэмъёсыз трос. «Тани со – зэмос шуд», - гожтэ Станислав Гадиуллович одӥгез туспуктэмез сярысь.

Фотоез Станислав Набиуллинлэн.