+8 °С
Яркыт
Антитеррор
Вань иворъёс
Общество
11 южтолэзь 2020, 11:50

Нылпиос тросгес мед вордӥськозы

#детибашкириисчастье

Шаерамы демографической югдурез ӟечомытонлы сӥзем бадӟымесь ужъёс быдэстӥсько. Россилэн Президентэз Владимир Путин Федерал Собранилы Вазиськоназ но со сярысь кылпум ӝутӥз. Нылпи вордон понна семьяослы ӟеч луонлыкъёс кылдытоно, юрттэт возьматоно шуыса пусйиз.
Башкортостанысь тазалыкез утёнъя министрлэн Максим Забелинлэн кылъёсызъя, кылем арын республикаын калыклэн лыдыз 7164 адямилы кулэсмем. Вордӥськемъёслэн но, кулэмъёслэн но лыдпусъёссы огвыллемгес. «Берло дыре регионамы нылпиос ӧжыт вордӥсько. Солэн мугез – укмыстонэтӥ аръёсы кылдэм секыт югдурлэн пытьыез, нуны вордӥсь нылкышноослэн лыдзы кулэсме. Кылсярысь, 2019-тӥ арын толшор-толсур толэзьёсы республикаын 42031 нылпи вордӥськем. 2018-тӥ арен ӵошатыса, со 4979-лы ӧжытгес. Кылем арын кулэмъёслэн лыдзы 1245-лы кулэсмиз», - ведомстволэн коллегиезлэн паськытатэм заседанияз вераз Максим Забелин.
Министрлэн кылъёсызъя, регионын кровообращениен герӟаськем висёнъёсын, онколигиен, сюрес вылын кышкыт учыре шедьыса, юыса, суицидэн сэрен кулэмъёслэн лыдзы шӧдскымон кулэсмемын.
Туспуктэм вылын: Татышлы ёросысь Уразгильдыысь нылпи садэ ветлӥсь пиналъёс.
Читайте нас: