Атайёсын котьку шулдыр

Нылпиоссы подготовительной группаын луэмысь, лэся, туэ ужрадэ атайёс огзы кыльытэк лыктӥзы.

Нылпиос атайёссэс чидатэк витизы. Лыктэмзылы туж шумпотӥзы. Мылысь-кыдысь кылбуръёс веразы. «Морячка» эктонзы туж усто пӧрмиз. Флажокен эктонэз но атайёс зол кичабонъёсын пумитазы. Нош кыӵе яратыса кырӟазы пиналъёс выль кырӟанъёсты: «Моя Армия», «Мальчишка – будущий солдат». Та кырӟанъёс нылпиосты шаерзэс яратыны, асьмелэн батыръёсынымы, солдатъёсынымы данъяськыны дышето.

Концерт номеръёс вискын эстафета ортчытӥмы. Атайёс но пиналъёс пӧлын «Десантники» но «Моряки» командаос кылдытыса, пӧртэм шудонъёсын шудӥм. Ужрадмы таин гинэ ӧз йылпумъяськы. Шудонъёс бере пиналъёс атайёссылы асьсэлэсь лэсьтэм кузьымъёссэс кузьмазы. Ваньзылы но медальёс кузьмаса, азьпалан шудо улон но тазалык сӥзьыса, пумиськонмес шулдыр кырӟанэн йылпумъямы.