-18 °С
Салкым
Антитеррор
Вань иворъёс
Общество
23 февраль 2020, 11:05

Оскымон пиос шаермес утё

Котьмалэн аслаз историез вань. Шаермылэн азинскон сюресаз армиын службазэс ортчись солдатъёс но бадӟым люкетсэс пырто. Шаермес утисьёс асьмелэн шыпыт улонмы сярысь котьку сюлмасько.Кургак гуртысь Виталий Галямшинлэн службаез Уссурийскын Связья войскоосын ортче.

Нефтекамскысь машиностроительной колледжын «Автоматизация технологических процессов и производств» ӧнеръя тодон-валан басьтыса, экзаменъёссэ дырызлэсь вазь сётыса, 2019-тӥ арын инвожо толэзе со шаермес утисьёслэн радазы султӥз. «Военкоматлэн ӵектэмезъя, Виталий грузовой машинаосты нуллыны дышетскиз. Армие сое водителен басьтӥзы»,- вера анаез Любовь Васильевна.
Виталий школаын дышетскыкуз ик спортэн эшъяськем. Колледжын дышетскыуз но волейболъя ӵошатсконъёсы ӵем пыриськем, дышетскон юртэзлэсь, группаезлэсь данзэ быгатыса утем.
Армиын Виталий тыршись, сётэм кылзэ кутӥсь, ужзэ быдэсъясь, адямиосын огкыл шедьтыны быгатӥсь луэменыз висъяське. Со сярысь верало солдатлэн анай-атаезлы вуэм Тау карон гожтэтысь кылъёс но. Виталийлэн частезлэн командованиез гожтэ: «Гажано Любовь Васильевна но Олег Григорьевич! Тау кариськом, пидылы быгатыса визьнод сётэмды, кышкасьтэм, кужмо солдат будэтэмды понна. Виталий Олегович быдэстэм ужъёсыныз возьматӥз, со – шаерез утись зэмос солдат. Боевой подготовкаосын но ӟеч лыдпусъёс басьтылӥз. Ми данъяськиськом солэн вормонъёсыныз. Тӥледлы юн тазалык, шудбур, семьяяды тупаса улон сӥзиськом».
- Виталиймы – ефрейтор. Солэн младшей сержантозь вуыны малпанэз вань, - вера Л. В. Галямшина.
Будэтэм нылпиос сярысь ӟеч иворъёс, ушъямон кылъёс кылон – со анай-атай понна тужгес бадӟым шуд, номырин мертантэм шумпотон. Галямшинъёслэн бадӟымез Дмитрий пизы но шаермес утисьёслэн радазы оскымон солдат луэменыз висъяськем. Со 2016-тӥ арын вордскем палъёсаз берытскем. Дмитрийлэн командованиез но Любовь Васильевнаен Олег Григорьевичлы Тау карон гожтэт ыстэм.
Калтасы ёрос.
Читайте нас в