+14 °С
Салкым
Антитеррор
Вань иворъёс
Общество
18 февраль 2020, 18:35

Ошмесчиос удмурт кылын диктант гожтыны дасясько

21-тӥ феврале - Анай кылъёслэн нуналазы - Уфаысь Башкир кун университетын удмурт кылын диктант гожтыны луоз. Со 12 часын кутскоз. Отчы котькуд мылкыд карись пыриськыны быгатоз. Ошмесчиос диктант гожтон борды дасяськыны кутскизы ни. Нош тӥ?#деньродныхязыков

Башкортостанысь Дышетонъя но наукая министерство,Башкортостанысь Калыкъёслэн ассамблеязылэн кенешез, Башкиръёслэн курултайзы Анай кылъёслэсь нуналзэс туэ аспӧртэм ортчытыны малпазы. Соос куать пӧртэм кылъёсын диктант гожтонэз радъяло. Со понна нимысьтыз площадкаос дасяло. Диктант гожтонын Башкортостанысь удмуртъёслэн национально-культурной центренызы кивалтӥсь С. Г. Гарифуллин, удмуртъёслэн историяя но культурая центразы ужасьёс И. М. Самигулова, К. В. Милиятова но асьсэлэсь анай кылзэс тодэмзэс эскерыны малпало. Ми но, ошмесчиос, визьмес будэтыса, анай кылынымы пӧртэм книгаосты бугыръяны кутскимы ни. Салимьян Гарифуллиновичлэн верамезъя, шоркарамы удмурт кылын текстэз Татышлы ёросысь удмурт кылъя дышетӥсьёслэн огазеяськонэнызы кивалтӥсь Л. А. Хазипова лыдӟоз. Диктант 112-тӥ Башкир кавалерийской дивизилэн командирезлэн Минигали Шаймуратовлэн вордскемез дырысен 120 ар тырмонэзлы сӥземын.
Читайте нас: