Висисьёслэн лыдзы йылэ

Башкортостанысь Роспотребнадзорлэн ивортэмезъя, республикаын пыэдэн но ОРВИ-ен висисьёслэн лыдзы йылэ. Таиз арлэн витетӥ арняяз 27 сюрс 469 адями висьыны усем, соос пӧлысь 69,8 процентэз – нылпиос.

ОРВИ-ен висисьёслэн лыдзы эпидемической пороглэсь 35,6 процентлы вылӥын. Ведомствоын ивортэмзыя, азьвыл арняен ӵошатоно ке, со 31,3 процентлы будэмын, школаын дышетскисьёс пӧлын - 31,9 процентлы.

Республикалэн шоркараз кылем арняын ОРВИ-ен сэрен 7 сюрс 640 адями эмъюртъёсы вазиськем. Соос пӧлысь 4 сюрс 526-ез – нылпиос. Татын эпидпорог бадӟымъёс пӧлын 23,1 процентлы вылӥын, 7-14 аресъем нылпиос пӧлын 16,6 процентлы будэмын.

Пыэд, ОРВИ «ветлыку», Роспотребнадзорлэн управлениез сак луыны куре, профилактикалы бадӟым саклык висъяны ӵектэ. Трос адямиос пӧлын, общественной транспортын ӧжыт ветлоно, маскаосын пайдаяськоно, висисьёсын кусып возёно ӧвӧл, киосты майталэн ӵем миськоно, С витаминэн узыр сиён-юон, сугон но кумызь сиёно, висъетъёсты тӧлатоно, эмчиосын кенешыса, иммунитетэз ӝутӥсь препаратъёс юоно. Дорады, уж дурады висисьёс вань ке, эмчиослы вазиськыса, вируслы пумит эмъюмъёс юыны кутсконо. Тодады возёно – висён нокинэ уг жаля.

Фото: https://yandex.ru/images/search?pos=9&from=tabbar&img_url=https%3A%2F%2Fwhite.susu.ru%2Fsites%2Fdefault%2Ffiles%2Ffield%2Fimage%2F98797.jpg&text=%D0%B3%D1%80%D0%B8%D0%BF%D0%BF&rpt=simage