25-тӥ толшор - Студентлэн нуналэз

1775-тӥ арын 25-тӥ толшоре императрица Елизавета Петровна «Об учреждении Московского университета» указ улэ гожтӥськиз. Озьы университетлэн усьтӥськонэз Татьяналэн нуналаз тупаз. Со дырысен дун-чылкыт Татиана студентъёслэн утись-чакласьсы лыдъяське. Нырысь та нуналэз Москваын гинэ пусйылӥзы, нош та вакытэ со котькуд студентлэн яратоно нуналэз луэ.

Таин валче пӧртэм чакланъёс вань:

Экзаменъёсты ӟеч сётыны юрттэ, пе, ӧс кусып вамен кык пыдын ик огӵош тэтчон.

Экзаменэ мынон азьын дӥськутэз утюген волятыку, таӵе кылъёс верано: «Кыӵе вольыт карисько дӥськутме, сыӵе ик вольыт сётӥсько экзаменме но».

Кӧлыны выдон азьын конспектъёсын тетрадез миндэр улэ донгоно.

Шудо билет мед сюроз шуыса, билетэз кыскон азьын паллян чиньыосты тыбыр сьӧры ватыса но киросаса шуоно: «Тыбыр сьӧрысь кылчинэ, сёт мыным шудо билет».

Паллян пыдкутчанэ вить манет пононо.

Усьтэм укноетӥ кеськоно: «Лыкты, халва!»

Бумага вылэ дышетӥсьлэсь но аслэсьтыд нимтулдэ гожтоно, экзамен сётон предметэз, нуналэз пусъёно но «5» отметка пуктоно. Бумагаез Вселеннойлы келяно.

Татьяналэн нуналэныз герӟаськем таӵе чакланъёс вань: