Тодӥськоды-а тӥ?

Кылем ар пумын «Аньхой жибао» газетын Башкортостанлы сӥзем статья печатламын. Со республикаын азинскись туризмлы, инкуазь ваньбурен быгатыса пайдаяськонлы сӥземын. Газетэз лыдӟыса, Китайын улӥсьёс тодӥзы, Башкортостан тазалыкез кыдатонын Россиысь одӥгез тодмо регион луэ шуыса. Статьяын Янган-тау курорт сярысь трос гожтэмын, кумыслэн но апитерапиялэн тазалыклы пайда ваемзы сярысь верамын.

Вераны кулэ, та материал нырысетӥез ӧвӧл. Китай газетын республикамылы сӥзем огъя куать материал потӥз ни. Сое дасяса ысто «Республика Башкортостан» газетын ужась журналистъёс. Со сярысь ужкагаз 2018-тӥ арын куартолэзе кутэмын вал. «Аньхой жибао» газетлэн тиражез 350 сюрс экземпляр. «Али башкир калык кухнялы сӥзем материал бордын ужаськом. Асьмелэн ческыт сиён-юонъёсмы Китайын улӥсьёслы но кельшозы шуыса оскиськом», - вера «Республика Башкортостан» газетлэн валтӥсь редакторез Гюзель Набиева.

Фотоез С. Набиуллинлэн.