+26 °С
Салкым
Антитеррор
Вань иворъёс
Общество
13 январь 2020, 18:12

Дорамы газет- журналъёс ке вуо...

Башкортостанысь калык котьку трос лыдӟиськылӥз. Тодам на, кызьы азьвыл аръёсы почтальонъёс лыдӟисьёссы доры бадӟым сумкаосын вуылӥзы. Нош туннэ югдур ӧжытлы воштӥськемын. Асьмеос лыдӟиськемысь дугдӥмы. Соин газет-журналъёслэн тиражзы кулэсме, почтальонъёслэн сумказы векчия.

Республикаямы туннэ газет-журналъёс шор лыдын 298 сюрс экземплярен пото. Со сяна, газетъёсмылэсь электрон версизэ, сайтъёссэ лыдӟисьёсмы вань на. Соос ог-огзылэсь пӧртэм ласянь висъясько: кылзыя, вылтуссыя, лыдӟисьёссыя. Башкортостанын, кылсярысь, общественно-политической газетъёс куать пӧртэм кылъёсын печатласько. «Башкортостан» - башкир кылын, «Республика Башкортостан» - ӟуч, «Кызыл тан» - бигер. Соос пӧлын бадӟым инты басьто ӧжыт экземплярен печатласькись чуваш, пор но удмурт «Урал сасси», «Чолман», «Ошмес» газетъёс. Республикаямы вань на нимысьтыз пиналъёс понна потӥсь газет-журналъёс но. Алигес одӥгез тодмо лыдӟисьмы ушъяське. Мон, пе, кемаласен ньыль пӧртэм газет-журнал басьтӥсько. «Кузпалы керттӥськон сярысь журналлы но «Ошмес» газетлы гожтӥське, мон машинаос сярысь лыдӟисько, пимылы суредаськыны журнал басьтӥськом. Огез гинэ умой ӧвӧл: кузпалы арнялы быдэ газет лыдӟе, нош ми - толэзьлы одӥг пол». Нош тон, дуно лыдӟисьмы, ӧд вунэты-а быдэс семьяедлы газетлы гожтӥськыны?
Читайте нас: