+18 °С
Облачно
Общество
13 Января 2020, 06:50
Анаймурт капиталлэн быдӟалаез йылӥз
Россиысь Пенсионной фондлэн пресс-службаяз ивортэмзыя, 1-тӥ толшорысен анаймурт капиталлэн быдӟалаз будӥз: табере со 466 сюрс 617 манетлы ӵоша.
Кылем арен ӵошатоно ке, солэн быдӟалаез 13,6 сюрс манетлы (3%-лы) будэм. Индексацие шедизы вань семьяос, кинъёс ар пумозь анаймурт капиталэнызы пайдаяськиллямтэ. Пенсионной фондлэн лыдпусъёсызъя, со – 3,4 миллион семьяос.
Анаймурт капитал семьяослы улон юрт басьтыкузяы яке корка ӝутыкузы юрттэт луэ. Со сяна, соин нылпиосты дышетыны – нылпи сад, школа, вуз понна коньдон тырыку – пайдаяськыны луэ. Анаймурт капиталэн пайдаяськон сярысь пыр-поч гожтэмын Пенсионной фондлэн сайтаз.
