Логотип юнматэмын

Росстат вуоно ужрадлэсь логотипсэ (эмблемазэ) юнматӥз. Кызьы пусъё ӧнерчиос, логотип Россиысь вань калыкъёсты но регионъёсты огазеясь луэменыз висъяське. Сыӵе малпан географиын кутӥськись ньыль тус пыр возьматӥське: лыз – зарезьёс, горд – гурезё интыос, ӵуж – ӵошкыт степьёс, вож – нюлэсъёс.

Эмблемаысь ваче ки кутскем ньыль адямиосты адӟыса валаны луэ, семьяын анай, атай, ныл но пи луыны кулэ шуыса. Логотипе озьы ик 2020 цифра пыремын – лыдъян-чотан ортчон ар.

- Логотипез вуоно лыдъян-чотанэн герӟаськем материалъёсын но ужрадъёсын кутыны луоз. Азьвыл ортчем Лыдъян-чотанлэсь логотипсэ историен герӟаськем материалъёсы гинэ пыртыны яра, - валэктэ Башкортостанстатлэн кивалтӥсез Акрам Ганиев. - Лыдъян-чотанлэн эмблемаеныз вотэсбамъёсы материалъёс пуктыку но пайдаяськыны луоз.

Со сяна, социальной сетьёсысь сообщениосын «перепись#ВПН2020#переписьнаселения#ВПН2020Башкортостан» тегъёсты кутоно.