Арганзэ кыскоз, шулдыр гурзэ кисьтоз

Камия Осиповалэн пичи но пинал дырыз Пермь шаерысь Кирга гуртын ортчем. Гуртысь нылпиосын џош шудэм, бызьылэм. Шаплы нылашлэн шудонэн гинэ сюлмыз буйгатскымтэ. Сое арган юн кужымен бордаз кыскем. «Абызилы музган басьтћзы. Сое мон но џем киям кутылћ. Озьы ачим ик шудыны дыши», - пинал дырзэ тодаз вайыса вера Катя апай. Со дырысен арганэн ќз люкиськылы ни. Туннэ нуналэ но Катя апай ужрадъёсты шулдыртэ. Вераны кулэ, 2009-тћ арысен ни со Нефтекамск городысь «Выжы-кум» фольклор ансамбле пыриське. Отын кырња-эктэ, кулэ ке луиз, арганзэ но кыске. «Туж айбат шудэ, куараез но жингырес», - вера ансамблен, Нефтекамскысь удмуртъёслэн огазеяськонэнызы кивалтћсь Фируза Фаизова.

Нефтекамск городэ Камия Осиповаез улон сюресэз 1975-тћ арын вуттћз. Нырысь со ар но љыны нылпи садын ужаз, нош бќрысь куамын куинь ар городысь куинетћ номеро жилищно-эксплуатационной управлениын слесарь-сантехникын тыршиз. Пенсие потыса но Катя апай удысаз куинь ар ужаз на. Дышемын ќвќл кышномурт киоссэ ал вылаз тырыса пукыны. Темырхан кузпалыныз соос вазь тулысысен бер сћзьылозь бакчаязы тыршо. Отын кыџе гинэ емышъёс, бакча сиёнъёс, сяськаос уг будэто. Нош соос пќлысь одћг жаг турынэз но уд адњы. Ваньмыз чылкыт утялтэмын, сузямын. Убоос но лыдъяса-чотаса тупатэмын. Бакча сиёнъёс будэтэм сяна, кузпалъёс курег но кык ар утиллям на. Њичы изъянтыны кутскемен сэрен, та ужзылэсь палэнсконо луиллям.

«Катямылэн туж ческыт пќрмо пыжиськемъёсыз, толлы дасям сылалтэмъёсыз», - верало вќзысьтызы бакчаын улћсь Рина но Лида сузэръёсыз. Соослэсь верам кылъёссэс оскымон каро љќк вылысь, инвожо толэзёзь утиськем, куажыртћсь сылалтэм нингубиос. Етћз Катя апай котьмалы но вутске. Кулэ луиз ке, машинаяз пуксёз но ширтоз. Пинал дыръяз мотоциклэн ке ворттылћз, берлось дас сизьым арзэ ни машинаен ветлэ. «1998-тћ арын машина нуллыны удостоверение басьтћ. Со дырысен ветлћсько ни», - корт «эшез» шоры возьматыса вера кышномурт.

Нефтекамск город.